Një person mbeti i plagosur mbrëmjen e së premtes, teksa mjeti tip ‘Ford Focus’ me të cilin udhëtonte doli nga rruga.
Aksidenti u regjistrua në autostradën Levan-Tepelenë, ndërsa i plagosur mbeti drejtuesi i mjetit O. Omeri 40 vjeç, banues në Vlorë.
I plagosuri është dërguar me urgjencë në spital për marrjen e ndihmës mjekësore.
Policia e qarkullimit rrugor e mbërritur në vendngjarje nisi procedurat për zbardhjen e aksidentit.
Burime nga vendngjarja bëjnë me dije se 40-vjeçari po udhëtonte nga Tepelena për në Vlorë, kur ka humbur kontrollin mbi mjetin duke goditur trafikndarësen.
