“Ç’të bëj, e vrava…”. Ky ka qenë shpjegimi i Kasem Lilës për vrasjen e bashkëshortes Fize Lila dhe plagosjen e rëndë të kunatës.
Autori i moshës 56-vjeçare vuante prej kohësh nga problemet mendore, ndërkohë që pas ndërprerjes së kurës, tre javët e fundit ishte shfaqur problematik.
“I ndërprenë pensionin dhe ka 3 javë që nuk ka pirë ilaçet. Ta shikoje në pamje të jashtme ishte shumë në rregull, por e kishte defektin në tru. Nga ndërprerja e ‘KEMP’-it u bë i dhunshëm”, tregojnë të afërmit.
Krimi në familjen Lila ndodhi mbrëmjen e së shtunës, kur gjatë një debati familjar, autori rrëmbeu çiften me leje që mbante i vëllai, i plagosi atij gruan, ndërkohë që vrau bashkëshorten e tij, 41-vjeçaren Fize Lila.
