Një mesoburrë ka humbur jetën sot në Durrës, në vendin e tij të punës.
Rreth orës 08:10 të mëngjesit të sotëm, është transportuar në Urgjencën e Spitalit të Durrësit 52-vjeçari A.Ç., banues në Shkozet.
Teksa ka qenë me detyrë roje, në një mobilieri që po ndërtohet në Shkozet, 52-vjeçarit i ka rënë sipër porta e hekurit të ndërmarrjes, ku si pasojë ka gjetur vdekjen.
Kanë qenë punonjësit e tjerë ata që kanë parë skenën dhe i kanë ardhur në ndihmë 52-vjetarit, por që nuk ka arritur të mbijetojë.
Policia po punon për zbardhjen e plotë të rrethanave të ngjarjes, që paraprakisht mendohet të ketë qenë aksidentale.
