Një elektriçist është djegur në krye të detyrës në Cërrik, duke marrë plagë të rënda në trup. Sipas informacioneve bëhet fjalë për elektriçistin E. S, i cili ka rënë në kontakt me tensionin e lartë teksa ishte duke rregulluar një avari të një kabine elektrike.
Elektriçisti është sjellë në Spitalin e Traumës në repartin e djegieve në Tiranë në gjendje të rëndë shëndetësore.
Duke parë gjendjen shëndetësore të elektriçistit, mjekët kanë kërkuar transportin dhe ndërhyrjen më të specialisuar në Itali.