Një person ka humbur jetën dhe një tjetër ka pësuar lëndime trupore, në një aksident të ndodhur në fshatin Slivovë komuna e Ferizajt.
Sipas njoftimit të policisë drejtoria e Ferizajt, thuhet ngasësi i automjetit të udhëtarëve me targa lokale G.K.( m/sh/k 22 vjeç),duke mos përshtatë shpejtësinë e lëvizjes kushteve të rrugës, humb kontrollin dhe godet dy këmbësore të cilat marrin lëndime serioze.
“Të lënduarat dërgohen në QKUK Prishtinë për tretman mjekësor, ku rreth orës 19:00, nga personeli mjekësor jemi njoftuar se viktima E.A.(f/sh/k 47 vjeç) nga lëndimet e pësuara ka ndërruar jetë dhe me urdhër të Prokurorit të Shtetit, trupi i pajetë i viktimës dërgohet për obduksion në Institutin e Mjekësisë Ligjore”, thuhet në komunikatë.
Hetuesit policorë janë duke zhvilluar hetimet lidhur me rastin,ndërsa i dyshuari,me urdhër të Prokurorit të Shtetit,ndalohet për 48 orë.