Policia ka publikuar pamjet e arrestimit të tre personave, të cilët një ditë më parë tentuan t’i largoheshin bluve të kryeqytetit pasi nuk iu bindën urdhrit për të ndaluar.
Ngjarja ndodhi dje në rrugën “Sami Frashëri” në Tiranë, ku makina tip “BMW X6” me targa AA 858 NS u përplas me një mur rrethues të një banese.
Policia arrestoi, Bektash Muka, 25 vjeç, banues në Tiranë, Valmir Fazliu, 27 vjeç, banues në Kosovë, si dhe Vilson Laçi, 24 vjeç, banues në Kukës.
Gjatë kontrollit të ushtruar në automjet në një çantë dore u gjet dhe u sekuestrua në cilësinë e provës materiale një armë zjarri pistoletë e markës “Glock” dhe një krehër me 11 fishekë.
Këto janë pamjet e ndjekjes dhe arrestimit nga efektivët e “Shqiponjave” të 3 personave që udhëtonin me makinën që përfundoi në oborrin e një shtëpi te “Komuna e Parisit”.