Një 54-vjeçar u arrestua nga Policia e Elbasanit pasi dyshohet për një sërë vjedhjesh.
Veli Bajrami me banim në këtë qytet, akuzohet se nga policia se ka kryer vjedhjet e mëposhtme:
Më datë 20 shtator, gjatë natës dyshohet të ketë vjedhur një televizor plazëm dhe një kamera në banesën e shtetases S.B, 54 vjeçe, banuese në fshatin Katundi i Ri.
Në banesën e shtetases F.L, 62 vjeçe, banuese në fshatin Bradashesh, dyshohet të ketë vjedhur dy televizor plazëm
Në banesën e shtetases S.P, 30 vjeçe dyshohet të ketë vjedhur një televizor dhe një aparat celular
Më datë 19 shtator, gjatë natës dyshohet të ketë vjedhur një aparat celular në banesën e shtetasit E.T, 23 vjeç banues në Elbasan
Më datë 17 shtator, gjatë natës dyshohet të ketë vjedhur një biçiklete në banesën e shtetasit D.M, 17 vjeç, banues në Elbasan.
Më datë 5 gusht, gjatë natës dyshohet të ketë vjedhur një sasi kabulli elektrik i cili shërbente për furnizimin e fshatit Dopaj me energji elektrike
Më datë 5 gusht, gjatë natës dyshohet të ketë vjedhur një motoçiklete e tipit MS me targë AA 869 në banesën e shtetasit A.M, 36 vjeç, banues në fshatin Bathës.