Pas një investigimi të dyshimtë në lidhje me terrorizmin në Shqipëri, gazeta britanike ‘Mirror’ akuzon se bandat shqiptare po rrezikojnë jetën e turistëve të rinj britanikë në Greqi. Sipas gazetës, bandat shqiptare kanë nisur një betejë për çmimet e pijeve alkoolike, që mund të jetë fatale.
Investigimi i gazetës vjen pasi një britanike, Hannah Powell, 20 vjeç, mbeti e verbuar pasi konsumoi këto pije alkoolike me miqtë në ishullin e Zantes. Gazeta shkruan se bandat shqiptare po importojnë pije të lira alkoolike nga Bullgaria.
“Kamerierët e pafajshëm nuk e dinë që pijet kanë përmbajtje vdekjeprurëse,” shkruan gazeta.
“Spitalet në Zante janë të mbushura me britanikët ë sëmurë, që janë helmuar me alkool këtë verë. Gangsterët shqiptarë po e drejtojnë këtë shfaqje. Qëllimi i tyre është të ofrojnë sa më shumë pije me çmim të ulët,” tha një vendas.
“Pija e rrezikshme njihet si ‘rakia bullgare’. Çmimet e pijeve në këtë zonë ishin rreth gjashtë euro. Por, sapo në lojë hyri mafia shqiptare, çmimet u ulën ndjeshëm”, tha një i brendshëm.
“Të njëjtat pije që kushtonin gjashtë euro, tani kushtojnë dy euro”, thotë një mjek që tregon se kanë kuruar më shumë se tremijë britanikë gjatë kësaj periudhe.
