Policia ka dhënë sqarimet e para për plagosjen me armë zjarri të një personi në qytetin e Lezhës.
Sipas policisë ngjarja ka ndodhur në superstraden Lezhë -Tiranë, tek vendi i quajtur "Rrotondo".
Menjëherë në vendngjarje kanë mbërritur shërbimet policore që kanë konstatuar se është plagosur me armë zjarri Tonin Kola, 35 vjeç, banues në Shkodër i cili është dërguar në spital për ndihmën e nevojshme mjekësore.
Policia ka ngritur pika kontrolli si dhe po bëhet krehja e zonës për kapjen e autorëve. Po shoqërohen disa persona për tu marrë në pyetje.
Grupi hetimor në vendngjarje po vazhdon veprimet hetimore për dokumentimin e plotë të ngjarjes.
