Një 39-vjeçar ka rënë në prangat e policisë së Lezhës në Shqipëri, për shkak të peshkimit të paligjshëm. I arrestuari është shtetasi shqiptar Arben Rakaj, 39 vjeç, banues në Shënkollë.
Policia e Shqipërisë bën me dije se Rakaj është kapur në flagrancë në vendin e quajtur Gryka e Vainit, në Lezhë duke kryer gjueti peshkimi të paligjshme me eksploziv të përgatitur në mënyrë artizanale në banesen e tij.
Në cilësinë e proves materiale iu sekuestrua një shishe me lëndë eksplozive nitrat me kapsolle donatore dhe fitil zjarr përcjellës të pa shpërthyer.
Materialet procedurale u referuan Prokurorisë së Rrethit Gjyqësor Lezhë për veprat penale “Shkelja e rregullave mbi lëndët plasëse, djegëse dhe radioaktive” dhe “Peshkimi i ndaluar”.