Policia e Kosovës, ka njoftuar se në fshatin Terstenik të Komunës së Drenasit, ka gjetur një granatë dorë në afërsi të një shtëpie të banuar.
“Një mashkull k/shqiptar ka njoftuar se afër shtëpisë se tij gjendet një mjet i dyshuar shpërthyes (granatë dore). Njësiti policor ka dalë në vendin e ngjarjes, ndërsa njësiti për deminim i KFOR-it amerikan dhe FSK-ja kanë marrë-larguar mjetin e dyshuar pa incidente”, është thënë në njoftimin e Policisë së Kosovës.