18 kg kanabis janë sekuestruar nga policia në fshatin Ravonik. Blutë e Korçës kanë arrestuar në flagrancë shtetasin Elton Beko, 37 vjeç.
Arrestimi i tij erdhi pas kontrollit nga ana e efektivëve të policisë, pasi në stallën e bagëtive në fshatin Ravonik-Korçë, në dy çanta sportive me ngjyrë të zezë, iu gjetën dhe u sekuestruan lënda narkotike, 3 pako të mbështjella me natriban plastik.
Materialet i kaluan Prokurorisë të Rrethit Gjyqësor Korçë, për veprën penale: “Prodhimi dhe shitja e narkotikëve”.
