Një polic e ka goditur me motoçikletë një këmbësore në Prishtinë, përkatësisht tek Stacioni i Autobusave.
Lexuesit kanë dërguar video nga vendi i ngjarjes dhe kanë treguar se këmbësorja është dërguar për trajtim mjekësor në QKUK.
“Rreth orës 14:30 ka ndodhur një aksident te Stacioni i Autobusëve. Një grua është goditur dhe ka marrë lëndime trupore”, ka thënë Flora Ahmeti, zëdhënësja PK-së për Prishtinë.
Ajo po ashtu ka konfirmuar se gruaja është goditur nga motoçikleta e policit.