Policia e Mitrovicës arreston mashtruesin nga Podujeva

Kronikë e zezë

Policia e Mitrovicës arreston mashtruesin nga Podujeva

Më: 24 gusht 2016 Në ora: 12:57
Ilustrim

Hetuesit policorë të stacionit policor ,,Jugu” në Mitrovicë, si rezultat i hetimit të suksesshëm dhe bashkëpunimit të afërt me qytetarë, në orët e mbrëmjes së djeshme kanë arritur të identifikojnë dhe arrestojnë të dyshuarin F. B., 43 vjeçar me banim në Podujevë, për rastin ,,Mashtrim’’, rast i cili është raportuar me datën 16 gusht.

Sipas ankuesit me datën 07.08.2016, pas publikimit në web faqen ,,merrjep.com’’ me të dyshuarin në fjalë kishte bërë një marrëveshje(verbale) për shitblerje të dy ‘Kombi VW’ për një shumë të konsiderueshëm të të hollave (4500 euro), ku më vonë i dyshuari nuk i  është përgjigjur marrëveshjes në fjalë.

Pas hetimeve të bëra nga hetuesit policorë në kërkim të informatave për të dyshuarin në fjalë, rezultuan me zbulimin e identitetit dhe arrestimin e të njëjtit, mbi dyshimet e arsyeshme se i dyshuari kishte arritur që të mashtronte ankuesin (viktimën). 

Pas procedurave intervistuese, të dyshuarit të arrestuar F. B., 43 vjeçar, me vendim të prokurorit të çështjes i është caktuar masa e ndalimit policor për 48 orë.

Ndaj të dyshuarit është iniciuar lënda penale ,,Mashtrim’’.

Sot mund të lexoni Shfletoni kopertinat