Një shtetas turk, i cili ishte shpallur në kërkim ndërkombëtar është arrestuar sot nga Policia Kufitare e Morinës.
Policia ndaloi në hyrje të doganës shtetasin Kemal Aydin lindur dhe banues në Tepecik–Turqi.
"Ndalimi i shtetasit u bë pasi Organet e Drejtësisë Turke, e kanë shpallur në kërkim ndërkombëtar, me vendim Nr. 2009/353, datë 07.06.2012, për kryerjen e veprës penale të ; Falsifikimi i dokumenteve dhe Mashtrimi’, parashikuar nga Kodi Penal Turk”, thuhet në deklaratën e policisë.
Aydin është i dënuar me 4 vjet e 12 muaj burgim dhe pritet të ekstradohet në shtetin turk.
Materialet proceduriale i kaluan Prokurorisë së Rrethit Gjyqësor Kukës për veprime të mëtejshme.
