Një aksident i rëndë trafiku ka ndodhur në natën e së premtes në kryeqytetin e Kosovës.
Tre persona janë lënduar si rezultat i ndeshjes së dy automjeteve në Kodra e Trimave, më saktësisht në lagjen 'Vëllezërit Fazliu'.
Në vendin e ngjarjes kanë dalë menjëherë njësitet policore dhe ndihma e shpejtë, e cila ka dërguar me urgjencë të lënduarit në Qendrën Klinike Universitare të Kosovës.
Shkaqet e aksidentit tani për tani nuk dihet, ndërsa policia ka nisur hetimet për zbardhjen e rastit.