Një shtetas i huaj u arrestua në aeroportin e Rinasit për armëmbajtje pa leje.
Policia kufitare e Rinasit ka vënë në pranga një person më kombësi moldave dhe shtetësi italiane, i cili po tentonte të hynte në Shqipëri me pistoletë në brez.
Sipas policisë, Igor Bodnari është pikasur nga sistemi i sigurisë së aeroportit, ndërsa mbante me vete një pistoletë tip “Beretta”.
Policia po heton për zbardhjen e të shkuarës së të arrestuarit dhe lidhjet me vendin tonë.