Një person i cili ishte goditur nga një i dyshuar më 26 prill në rrugën “Skënderbeu” në Podujevë dje ka vdekur.
Policia e Kosovës njofton se ngjarja ka ndodhur më 26 prill ku i dyshuari duke drejtuar veturën VW Golf V nga pakujdesia dhe mospërshtatja e shpejtësisë së lëvizjes me kushtet e rrugës ka goditur këmbësorin.
“Si pasojë e aksidentit viktima kishte pësuar lëndime të rënda trupore dhe është dërguar në QKUK-Prishtinë për tretman mjekësor, i cili dje nga lëndimet e marra ka ndërruar jetë”, thuhet në raportin 24 orësh të Policisë.
Me urdhër të prokurorit trupi i pajetë është dërguar në Institutin e Mjekësisë Ligjore për obduksion, ndërsa i dyshuari është arrestuar dhe i njëjti dërgohet në mbajtje.