43-vjeçari shqiptar Dritan Beqiraj është arrestuar nga policia kufitare e Rinasit për llogari të drejtësisë italiane.
Ai ishte dënuar në Itali me 25 vite burg për disa vepra penale si “Rrëmbim personi”, “Armëmbajtje pa leje”, “Kanosje” dhe “Mbajtje lëndësh narkotike”, shkruan shekulli.
Beqiraj ishte shpallur në kërkim ndërkombëtar nga Interpol Roma që prej datës 21 mars të këtij viti. Prangosja e Beqirajt u krye me qëllim ekstradimin e tij përtej Adriatikut.