Trafiku i rënduar bëhet shpesh burim sherresh në rrugët e Tiranës.
Një rast i tillë ka ndodhur mëngjesin e sotëm, kur një shofer taksie është goditur me grusht nga një drejtues “Range Rover”-i.
Ky i fundit, duke dashur të parakalonte i ka rënë borisë disa herë, por taksisti nuk ka mundur t’i hapë rrugë. Sapo ka parakaluar, shoferi i “Range Rover”-it ka dalë nga automjeti dhe e ka qëlluar me grushte drejtuesin e taksisë.
Kjo skenë duket në fillim të videos së publikuar nga “Jeta osh qef”, ndërsa në fund të saj duke qartë shoferi që largohet duke mbajtur duart në faqe.
“Taksisti ishte i pari i rreshtit dhe ecte normal, ky nga pas donte ta parakalonte dhe i binte borisë disa herë. Sapo e parakaloi, i zuri rrugën dhe doli, i ra dhe iku”, thotë raportuesi që ka filmuar skenën.
