Policia italiane ka arrestuar në flagrancë një 25-vjeçar nga Shqipëria, pasi u kap duke shitur kokainë.
Sipas medieve italiane, shqiptari, rezident nën Bollate, lëvizte me një automjet tip “Renault Clio” dhe ndiqej nga policia.
Policia ka njoftuar se 25-vjeçari u ndal në një rrugë dhe takoi një vajzë. Në momentin që tentoi t’i jepte një dozë kokaine, policia italiane ka ndërhyrë duke e arrestuar.
Ndërkohë, bëhet e ditur se gjatë kontrollit në mjetin e tij, u gjetën edhe 11 doza të tjera kokaine, që kapnin vlerën e 4 mijë eurove.
