Një aksident komunikacioni ka ndodhur sot në rrugën Prishtinë – Pejë, tek Qendra e Regjistrimit të Automjeteve, afër Fushë Kosovës.
Sipas burimeve nga vendi i ngjarjes në aksident janë përfshirë dy automjete, kurse nuk dihet nëse ka të lënduar.
Në fotografitë e siguruara nga Telegrafi shihet një automjeti i dëmtuar, kurse deri te aksidenti supozohet të ketë ardhur si pasojë e kushteve të vështira atmosferike, motit me shi.
Si pasojë e këtij aksidenti është bllokuar njëri segment i rrugës dhe është krijuar kolonë e gjatë automjetesh.
Policia ka dalë në vendin e ngjarjes dhe është duke hetuar shkaktarët e aksidentit.
