Një grua, e cila kujdesej për një të moshuar në Tirana, i ka vjedhur kësaj të fundit 840 000 lekë nga baka.
Sipas policisë së Tiranës, 82-vjeçarja K.P. ka denoncuar në komisariatin numër 6 zhdukjen e shumës së parave nga llogaria e saj bankare.
E moshuara është shprehur se V.Ç., 57 vjeçe, i ka marrë kartën, me të cilën ka tërhequr nga banka shumën e parave.
Policia ka shoqëruar në komisariat 57-vjeçare, e cila nuk e ka pranuar vjedhjen e parave.
Burime nga policia i kanë thënë gazetës "Shqiptarja.com” se kanë kërkuar ndihmë nga banka për të mësuar më shumë rreth tërheqjes së parave të së moshuarës.
