Pesë të lënduar është bilanci i një aksidenti të ndodhur sot në orën 11:00 në magjistralen Skenderaj – Drenas, më saktësisht në fshatin Morinë.
Media mëson se sipas rrethanave të vendit aksidenti ka ardhë si pasojë e humbjes së kontrollit ndaj automjetit të njërit nga drejtuesit.
Të lënduarit fillimisht janë trajtuar në Qendrën Kryesore të Mjekësisë Familjare në Skenderaj, e më pas janë dërguar për në Qendrën Klinike Universitare në Prishtinë.
Mësohet se të lënduarit janë jashtë rrezikut për jetë.