Një plagosje me armë zjarri ka ndodhur sot, në lagjen “Ahmet Haxhia” Shkodër.
Burimet policore lokale bëjnë me dije se i plagosuri i identifikuar si Selami Ahmeti, 56 vjeç ka mbetur i plagosur në shtyllën kurrizore.
Ai është dërguar në spital për të marrë ndihmën e nevojshme mjekësore, ndërsa raportohet se gjendja e tij shëndetësore është kritike.
Dëshmitarët në vendngjarje kanë dëshmuar për policinë se personi i cili ka qëlluar ka qenë i maskuar. Policia ka shkuar në vendngjarje dhe ka nisur punën për të zbardhur krimin.
