Donte që të udhëtonte me një avion që e dërgonte direkt e në Angli me një dokument fals. Më saktë, po përdorte një nga mijëra letërnjoftimet e vjedhura më 2 dhjetor në komunën e Campobasso-s në Itali.
Ngjarja ka ndodhur në aeroportin e Parmës, ku një grua shqiptare, 29 vjeçe, e cila kishte me vete edhe vajzën e saj, u arrestua nga policia. Para karabinierëve, 29-vjeçarja është shprehur se dokumentin e ka marrë nga një shtetas i huaj, të cilit nuk i dinte identitetin.
Policia italiane ka deklaruar se pas kontrolleve të zakonshme shqiptarja u transferua në burgun e Modenas, ndërsa vajza i është besuar një familjeje italiane.
Ndërkohë, më herët mediat italiane kishin raportuar grabitjen e mijëra kartave të identiteti në mbrëmjen mes datës 1 dhe 2 dhjetor të vitit 2015, në zyrën vendore të regjistrimit të qytetit të Campobasso-s.