Një 33-vjeçare ka ndërruar jetë pasi është vetëvrarë me një armë gjahu. Sipas burimeve zyrtare të policisë, ajo vuante nga depresioni dhe ishte invalide.
Ngjarja ka ndodhur ditën e djeshme, ku shtetasja me inicialet M. S., 33 vjeçe, nga Markatomaj të Lezhës, është gjetur e vetëvrarë në banesën e saj.
Policia bën të ditur se ajo ka përdorur një armë gjahu teke që e kishte me leje bashkëshorti i saj.
Materialet hetimore kanë kaluar në Prokurorinë e Rrethit Gjyqësor Lezhë, si ngjarje aksidentale, për veprën penale “Shkaktimi i vetëvrasjes”.