Një shtetas serb është shoqëruar për në stacionin policor në Leposaviq, njofton sot Policia e Kosovës. Shkak për këtë ishte zbulimi i kontrabandimit me mallëra.
Sipas policisë, gjatë kontrollit kanë vërejtur se i dyshuari po mbante në veturën e tij një motokultivator dhe një pompë të benzinës për ujitje, të cilat ishte duke i bartur përmes rrugëve ilegale për në Serbi, raporton KosovaPress.
Policia raporton se i dyshuari gjësendet i kishte blerë në Kosovë.
Siç thuhet në njoftimin e Policisë së Kosovës, pas kontrollimit të dokumenteve dhe automjetit, i dyshuari është shoqëruar për në stacionin policor..
