I akuzuari për vrasjen e 82-vjeçarit Novruz Likometaj, krim i kryer pak ditë më parë në Fier, ka dalë sot para gjykatës për masën e sigurisë. Skënder Krasniqi e ka mohuar se ka vrarë të moshuarin dhe ka thënë se asnjëherë nuk e ka pranuar krimin.
37-vjeçari që qëndron në burg me dyshimet për vrasje është shprehur se nuk e ka takuar Novruz Likometajn. “Nuk e di pse më mbajnë këtu”, është shprehur ai në gjykatë.
Vrasja e 82-vjeçarit Likometaj u zbulua të dielën e kaluar, kur trupi i tij i pajetë u gjet nga një kalimtar në një kazan mbeturinash në lagjen “8 Shkurti” të qytetit të Fierit.