Një eksploziv në automjet iu vendos sot drejtorit të spitalit në Pukë Enver Sulejmani. Ngjarja është shënuar në orët e vona të mbrëmjes dhe sipas informacioneve të para mësohet se, automjeti ndodhej në garazh kur ka ndodhur shpërthimi.
Nga vendi i ngjarjes nuk raportohet për persona të lënduar, por vetëm për dëme materiale. Kjo pasi në momentin e shpërthimit mjeti ishte i parkuar në garazh dhe në të nuk kishte njeri.
Në vendngjarje mbërritën forcat e policisë, të cilat po punojnë për zbardhjen e shkaqeve të ngjarjes dhe identifikimin e autorëve. Ende nuk dihen arsyet e këtij atentati. Policia po punon për zbardhjen e konflikteve të mundshme që Sulejmani mund të ketë patur me persona të tjerë.
