Policia e qytetit të Padovës ka arrestuar dy shqiptarë 39 e 40 vjec me akuzën e trafikimit të lëndës narkotike të tipit kokainë.
Dy nënshtetasit shqiptarë të njohur me nofkat “Biondi” dhe “i Thinjuri”, konsiderohen si dy trafikantë të rëndësishëm në territorin e provincës së Padovës e kryesisht në komunat e Ponte San Niccolò, Legnaro e Noventa Padovana.
Në makinën e përdorur për trafikimin e lëndës narkotike, policia italiane ka sekuestruar një sasi të konsiderueshme kokaine të cilësisë së lartë.
Nën pranga kanë përfunduar dhe një persona i tretë, si shitës së dozave të lëndës narkotike, furnizuar nga shqiptarët.
Në banesën e shqiptarëve janë gjetur dhe disa mijëra euro e materiale për përgatitjen e konfeksionimin e kokainës.
Hetimet e policisë vazhdojnë ende mbi zbardhjen e aktivitetit të trafikimit. Për momentin nuk bëhen të ditur as identiteti i tyre e sasai e lëndës narkotike të sekuestruar.
