Policia e Korçës ka vënë në pranga një 58-vjeçar, pasi një prej ambienteve private të tij e kishte kthyer në një kopësht për kultivimin e drogës.
Sipas të dhënave të policisë, i arrestuari është shtetasi Muhamed Gedaj, 58 vjeç, i cili kultivonte bimët narkotike në një ndërtesë në pronësi të tij në lagjen "18" në Korçë, në rrugën "1Maji".
Nga kontrolli i ushtruar, në brendësi të kësaj ndërtese u gjetën dhe sekuestruan në cilësine e provës materiale 66 rrënjë, bimë të dyshuara narkotike Cannabis Sattiva, me lartësi nga 10-100 cm të cilat ishin mbjellë në një ambjent të posaçëm kontenieri, të përshtatur me ndriçim dhe ngrohje artificiale, që shërbenin për kultivimin e bimëve narkotike.
