Një person është arrestuar në flagrancë nga uniformat blu të Beratit për shitje të lëndëve narkotike.
Mësohet se arrestimi i 27-vjeçarit Ermal Hoxha, banues në fshatin Cerovë, Skrapar ka ardhur si pasojë e operacionit të koduar “Cerova”.
Arrestimi ndaj Hoxhës u bë pasi, mbi bazën e informacioneve të marra në rrugë operative, gjatë kontrollit të ushtruar nga ana e policisë në banesën e tij në fshatin Cerovë, Skrapar, iu gjetën dhe sekuestruan 54 kg lëndë narkotike marijuanë.
Policia ka nisur hetimet, ndërsa materialet i kaluan Prokurorisë së Beratit, për veprën penale ”Prodhimi dhe shitja e lëndëve narkotike”.