Një aksident që ka ndodhur rreth orës 19 e 30 në dalje të Prishtinës, saktësisht në lagjen Veternik ka shkaktuar kolona të gjata të automjeteve.
Kamera ka qenë në vendin e ngjarjes ku shihet se në këtë rrugë janë aksidentuar një veturë e vogël që mban mbishkrimin Taxi me një kamion.
Zëdhënësi i Policisë Baki Kelani ka konfirmuar aksidentin e ndodhur duke sqaruar se rreth orës 19 e 30 ka ndodhur një aksident me dëme materiale.
Nuk raportohet për të lënduar ndërsa policia është duke u marrë me rastin.
