Një person është vrarë dhe tre të tjerë janë plagosur në kampusin e një tjetër universiteti amerikan. Një person hapi zjarr në ambientet e konviktit të Universitetit të Arizonës së Veriut. Burime nga stafi i shkollës bënë të ditur se vrasësi është kapur.
Ngjarja ndodhi në zonën e parkingut në afërsi të fjetoreve. Studentët u lajmëruan të qëndronin brenda ndërtesës dhe gjendja e emergjencës u shpall në të gjitha kampusin.
Identiteti i viktimës dhe të plagosurve nuk është bërë i ditur.
Ngjarja vjen pak ditë pasi një person hapi zjarr në kolegjin “Umpqua Comunity College”, duke vrarë nëntë persona e duke plagosur 10 të tjerë. Rasti rihapi debatin për ligjin e armëve në SHBA.