Dy persona të maskuar plagosin me thikë një bari, në tentativë për t’i marrë bagëtitë.
Pasditen e djeshme në fshatin Çajë të Kukësit 22- vjeçari N.Sh., ka qenë duke kullotur delet kur është sulmuar.
Dy persona të maskuar, kanë tentuar ti marrin delet, duke e plagosur me thikë. Si pasojë e dëmtimeve të marra i plagosuri ndodhet në spital nën kujdesin e mjekëve.
Mësohet se vjedhja ka mbetur në tentativë dhe se autorët e plagosjes, janë larguar pa i marrë bagëtitë pas konfrontimit me bariun.
Nga ana e uniformave blu po punohet për identifikimin dhe kapjen e autorëve.
