Dy persona kanë grabitur sot rreth orës 7:00 të mëngjesit çantën me rreth 4 mijë euro nga dyqani ushqimor ‘Vrbas’ në veri të Mitrovicës.
Çanta ishte në zyrën e pronarit brenda këtij dyqani, derisa pronari në ato momente ndodhej jashtë.
Ngjarjen e ka konfirmuar për KosovaPress shefi i operativës në Policinë e Kosovës për rajonin e veriut, Zhelko Bojiq.
Sipas tij, policia është duke punuar në zbardhjen e rastit, derisa kamerat e sigurisë do të ndihmojnë shumë në këtë drejtim.