Një tjetër aksident në minierë, i mori jetën një punonjësi. 56-vjeçari Magjen Aliaj humbi jetën sot në minierën e Vlahenit, në Has.
Aliaj me pozicion teknik në minierën e kromit rrëshqiti dhe ra nga lartësia, pas mesditës së sotme. 56-vjeçari Aliaj ishte duke punuar në një tunel në galeri, në momentin që humbi ekuilibrin dhe u rrëzua.
Tekniku nuk mundi të shpëtonte pavarësisht ndihmës së dhënë. Efektivët e policisë kanë nisur hetimet dhe po punojnë për zbardhjen e rrethanave. Ndërkohë që, mungesa e kushteve të sigurisë dhe rrezikimi i jetëve të minatorëve gjatë punës është një fenomen, i cili ende nuk ka gjetur zgjidhje në vend.