Pesë shtetas kallëzohen penalisht pasi iu sekuestruan 172 kg duan të transportuar në mënyrë kontrabandë.
Drejtoria e Përgjithshme e Doganave (D.P.D) në vijim të aksionit kundër informalitetit dhe tregtimit të mallrave kontrabandë organizoi kontrolle në terren në Elbasan dhe në Bashkinë e Kamzës.
Nga kontrolli i ushtruar, Departamenti Operativ Hetimor pranë D.P.D. në bashkëpunim me ekspertët e “Crown Agents” konstatuan/zbuluan në treg sasi të konsiderueshme duhani të grirë kontrabandë, 172 kilogramë.
Autoritetet doganore sekuestruan mallin kontrabandë dhe referuan në Prokurorinë e Rrethit Gjyqësor Tiranë shtetasit: Defi Veseli, Florian Doda, Reji Veseli, Fatjon Shpataj dhe Shkëlqim Qose, me banim në Kamzë për veprën penale “Kontrabandë të mallrave me akcizë”.