Një fëmijë i vogël vetëm 1 vjeç ka gjetur vdekjen aksidentalisht, duke u mbytur në një kovë me ujë.
Burime nga policia e Korçës konfirmojnë se fëmija ishte duke vrapuar në kopshtin e banesës së tij, kur u pengua dhe përfundoi me kokën në kovë dhe trupin jashtë saj.
Ishin prindërit ata që e gjetën fëmijën dhe e morën për ta dërguar menjëherë në spital, ku mjekët konfirmuan se vogëlushi kishte humbur jetën.
Paraprakisht dyshohet se ngjarja ka qenë aksidentale dhe si pasojë e shpërqendrimit të prindërve të fëmijës.