Një 12-vjeçar është urdhëruar të transportoje rreth 380 gr lëndë narkotike nga Kakavija në drejtim të Beratit. Burime nga policia bëjnë me dije se në aksin rrugor Moravë-Berat ka ushtruar kontroll në furgonin e linjës Kakavi-Berat.
Efektivët gjetën dhe sekuestruan lëndën narkotike, e cila ishte në posedim të të miturit E.K, 12 vjeç, banues në Berat, i cili dyshohet se është përdorur nga shtetas të tjerë. Droga ishte futur në një qese të bardhë.
Grupi hetimor po punon për gjetjen e bashkëpunëtorëve të tjerë. Materialet i kaluan Prokurorisë Berat për veprën penale “Prodhimi dhe shitja e narkotikëve”.