Prokuroria ka dyshime se tre personat e arrestuar gjatë operacionit policor “Del Piero” kanë prodhuar dhe karta identiteti spanjolle.
Gjatë aksionit për arrestimin e Pjerin Brahimajt, policia ka sekustruar një laptop, një printer dhe disa letra ku të printuara ishin karta identiteti spanjolle.
Pritet që ditën e diel, 3 të arrestuarit të dalin përpara gjykatës për t’u njohur me provat dhe akuzat e ngritura ndaj tyre.
Ora Neës ka shkuar në shtëpinë e Pjerin Brahimajt dhe ka marrë reagimet e para të familjarëve në lidhje me akuzat për falsifikim të vizave amerikane, angleze dhe kanadeze.
Në shtëpinë e Pjerin Brahimajt, babai Ylli Brahimaj thotë se arrestimi i 25 vjeçarit, u bë pa urdhër prokurori dhe se i biri është kërcënuar të firmosë pa lexuar asnjë rresht të fletë arrestit.
“Kur hynë në shtëpi i kërkova urdhrin e prokurorisë për kontroll. Më thanë jo, por është në të mirën tënde të vijojë kontrolli”, tha Brahimaj.
Ylli Brahimaj deklaron se nëpërmjet avokatit mbrojtës do t ë kërkojë paligjshmërinë e arrestimit të djalit të tij, paraditen e 31 korrikut.
: “Kanë marrë letra boshe, printerin e thjeshtë. Kanë kontrollua dhe dy muaj më parë. Nëse ka bërë faj do ta dënojnë”
Sipas hetimeve te prokurorisë , grupi kishte një vend takim pranë një lokali pas Muzeut Kombëtar në Tiranë, ku merrnin dhe porositë për prodhimin e dokumentacionit.
Sipas të dhënave zyrtare të hetimit, porositë për falsifikime, merreshin nga të hetuarit e tjerë Kledi Beshi, Jupiter Brahimi (xhaxhai i Pjerinit) dhe Haki Tarja, të cilët mbanin kontakte me klientë të ndryshëm, që ishin të interesuar.
