Një nënë së bashkë me bijën e saj 4 vjeçe janë plagosur rreth orës 20:00 në Mitrovicë, si pasojë e plumbave bredhës (qorr).
Zëdhënësi i Policisë së Kosovës për rajonin e Mitrovicës, Avni Zahiti, e ka konfirmuar rastin për KosovaPress, duke treguar se të plagosurat po kurohen në QKUK.
“Gjendja e të plagosurave raportohet të jetë jashtë rrezikut për jetë, derisa në vendngjarje kanë dalë njësitë përkatëse të policisë. Deri më tani nuk dihet se nga kanë ardhur plumbat që i kanë goditur dy viktimat”, ka thënë Zahiti.
Ai ka treguar se dyshimet e para janë se plumbat kanë ardhur nga një lokacion tjetër, ende i pa përcaktuar saktësisht.
