Policia e Beratit ka arrestuar një postier i cili kishte përvetësuar pensionet e muajit qershor rreth 50 të moshuarve, duke marrë 500 mijë lekë të reja.
Me kërkesë të Prokurorisë së Beratit, gjykata ka vendosur masën e sigurisë “arrest me burg” për shtetasin Klodian Xhaferraj.
Xhaferraj, i marrë në pyetje nga prokuroria, ka pranuar se ka tërhequr shumat e pensioneve në datat 18-19 qershor 2015. Por, lidhur me faktin se këto para nuk janë shpërndarë, ai ka nxjerrë justifikime të ndryshme, të cilat nuk konsiderohen të besueshme për organin e prokurorisë.
Postieri akuzohet për veprën penale “vjedhje duke shpërdorur detyrën”.
