(E plotësuar)- Igli Meta, kohët e fundit i kishte dërguar “vazhdimisht” të dashurës Ambra mesazhe me kërcënime me vdekje ndaj Ismailit, i cili dukej fajtor në sytë e tij se kishte një flirt me të dashurën e tij.
Kjo është një nga elementet, por jo i vetmi, i cili udhëhoqi prokurorin Urbino Irene Lilliu të mendonte se vrasja ishte e paramenduar.
Në mesazhet ndaj Ambrës, Meta i shkruante “Do ta vras”, ku e kishte fjalën për Ismailin. Sakaq, Igli Meta dhe Mario Mema duket se nuk kanë qenë të vetmit pjesëmarrës në vrasjen e 17 vjeçarit Islamil Lulli, më 19 Korrik në Pezaro.
Mediat italiane, si “Il Giornale” shkruajnë duke cituar ekspertët mjekoligjorë të cilët thuhet se janë të sigurtë se krimi është kryer nga të paktën 4 persona.
Pas zbulimit të kurthit që ishte ngritur përmes SMS së së Ambrës, të dashurës së Igli Metës, hetuesit kanë rindërtuar skemën e vrasjes.
Sipas tyre, katër të rinjtë që morën pjesë në vrasjen e Ismail Lullit, fillimisht e kanë tortuar 17-vjeçarin e më pas e kanë futur në makinën e Igli Metës dhe pasi kanë mbërritur në kodrën e San Martinos në Selvanera, e ulën para një kryqi dhe e lidhën që Ismaili të mos binte për shkak të pafuqisë fizike.
Rëndohet akuza ndaj dy të rinjve shqiptarë: Vranë me paramendim Ismaelin
“Vrasja e 17 vjeçarit Ismaele Lulli, në komunën e Sant’Angleo in Vada në provincën e Pezarosë, nga dy shqiptarët Igli Meta e Marjo Mema është një ekzekutim i paramenduar.”
Në këtë konkluzion ka arritur gjatë orëve të fundit Prokuroria e qytetit të Urbinit me hetuesen e çështjes prokuroren Irene Liliu.
Rëndohet akuza ndaj dy shqiptarëve pas marrjes në pyetje të Ambera Salijit, e fejuara maqedonase e shqiptarit Igli Meta.
Në celularin e saj janë gjetur dhjetëra mesazhe të dërguara nga Igli Meta pak ditë para vrasjes së Ismaele Lullit.
“Ai është i vdekur”, “do ta vras”, “do ta paguaj shtrenjtë këtë që po bën”, “nuk duhet t’i lejoj vetes të bëj këtë”, shkruan Igli Meta në mesazhet dërguar të fejuarës së tij, pasi kjo e fundit i tregonte për ngacmimet e provokimet e shumta që kishte nga ana e viktimës.
E kaq mjafton për autoritetet e drejtësisë italiane për të shtuar në akuzën e vrasjes së dy shqiptarëve dhe krimin e paramenduar nga ata.
“Nuk e imagjinoja kurrë se Igli do të bënte diçka të tillë, ka deklaru ar Ambera Saliji.
“Mendoja se kur shkruante këto mesazhe, ai nuk e kishte seriozisht. Igli është xheloz, por kurrë nuk i ka bërë keq askujt.”
Ndërkohë një investigim gazetaresk përhapur së fundmi në mediat italiane hedh hipotezën se në ekzekutimin e vrasjes të kenë marrë pjesë dhe persona të tjerë, përveç dy shqiptarëve të arrestuar.
Baza e kësaj teze është ideja se për të lidhur një person të gjatë 1 metër e 80 cm siç ishte Ismaele Lulli, në kryqin e hekurt në mes të pyllit, duhen më shumë se dy persona.
Fuqizohet kjo ide dhe nga letra e faljes, shkruar nga Igli Meta ndaj familjarëve të Ismaele Lullit.
Paragrafi i parë i saj shkruan: “Jam një nga djemtë që shkaktoi vdekjen e djalit tuaj…”, duke lënë dyshimin e pjesëmarrjes jo vetëm të Marjo Memës në këtë vrasje.
