Dy shqiptarë u arrestuan nga policia italiane, pasi u kapën me një sasi të madhe së fshehur brenda parakolpit të makinës.
Arrestimi i shtetasve shqiptarë ndodhi të shtunën në mbrëmje, në Limena, Via Roma. Një banor, raportoi praninë e tyre të dyshimtë dhe njoftoi policinë. Në vendngjarje mbërriti një patrullë në rroba civile.
Efektivët çmontuan parakolpin e një “Peugeot 3008”, ku zbuluan gjysmë kilogrami kokainë të pastër. Në makinë u gjendën edhe 40.000 euro cash.
Shqiptarët e arrestuar në Limena janë Mentor Mata, 42 vjeç me precedentë penalë dhe Bledian Hoxha, 29 vjeç të dy pa leje qëndrimi.
Ndërkohë, një tjetër operacion i zhvilluar në Genova, përfundoi me arrestimin e dy shqiptarëve, të moshave 23 dhe 38 vjeç që ishin duke udhëtuar me automjetin e tyre .
Gjatë kontrollit u janë gjetur 1.1 kg kokainë dhe 350 euro me vete. Dy shqiptarët, emrat e të cilëve nuk janë bërë ende publikë janë prangosur për të dalë tashmë para drejtësisë italiane.