Policia e Rajonit të Prizrenit njoftoi se sot rreth orës 09:50 minuta, në një rrugë të fshatit Sopijë të Suharekës ka shpërthyer një zjarr në një traktor i cili ishte i ngarkuar me kashtë.
Shkaktar i shpërthimit të zjarrit thuhet të jenë përçuesit elektrik të cilët e kanë prekur ngarkesën duke krijuar shkëndija e më pas kashta ka marrë flakë, nga e cila nuk ka mundur të shpëtohet as traktori me rimorkio.
Në vendin e ngjarjes kanë dalë zjarrfikësit dhe ekipi i KEDS-it. Në vazhdim pritet të sqarohet nëse telat e rrjetit nuk kanë qenë të vendosur në lartësinë e duhur apo pasoja ka ardhur nga mbingarkesa dhe pakujdesia e traktoristit, thuhet në njoftimin e policisë./KosovaPress/
