Disa dyqane në zonën e quajtur “Tregu i Medresesë” u përfshinë nga flakët mëngjesin e sotëm. Ngjarja u shënua në tregun e ndodhur në rrugën “5 Maji”, rreth orës 05:00.
Sipas informacioneve paraprake, mësohet se shkak është bërë një shkëndijë në kabinën elektrike, e cila ndodhet në brendësi të tregut.
Një shkëndije elektrike shkaktoi rënien e zjarrit në kabinë, të cilat më pas morën përmasa të madha duke u përhapur tek dyqanet aty pranë. Dyshohet se janë dëmtuar dy biznese, të cilat ndodheshin në afërsi të kabinës elektrike.
Menjëherë në vendin e ngjarjes kanë mbërritur forcat e shërbimit zjarrfikës, nga 3 pikat kryesore të kryeqytetit, të cilët kanë arritur të vënë flakët nën kontroll. Ndërkohë, grupi hetimor vazhdon punën për zbardhjen e ngjarjes.