Ka përfunduar ekspertiza ligjore lidhur me vrasjen e 3-fishtë që ndodhi në bulevardin “Zogu I” në Tiranë më 27 maj, ku mbetën të vrarë tre persona.
Ekspertiza ka zbardhur mënyrën e plotë të vrasjes së Mentor Lufit dhe Gerti Goxhajt.
Nga provat e gjetura në terren, rezulton se shtetasi italian Salvatore Letizia ka vrarë shtetasin shqiptar Gerti Goxhaj, që ndodhej në timonin e makinës tip BMV.
Ndërsa, Besnik Sulku rezulton se ka qëlluar dhe ka vrarë shtetasin Mentor Lufi, që ndodhej në sediljen e pasagjerit.
Pas këtyre dy vrasjeve, kanë ndërhyrë nipat e Mentor Lufit, Markeljan dhe Klejvi Doçi, që kanë ndërhyrë, duke vrarë Sulkun dhe goditur me makinë Letizian.