Tenton të djegë me benzinë lokalin në pronësi të shtetasit E.M, vjeç 30, banues në Tiranë, arrestohet nga Policia e Elbasanit Ilir Pëllumbi 38 vjeç, banues në Elbasan.
Sipas të dhënave zyrtare, i arrestuari, mbrëmjen e së martës rreth orës 22:30 ka shkuar tek lokali që ndodhet në lagjen ‘5 Maji”, Elbasan dhe ka lyer me benzinë lokalin. Më pas i ka vënë zjarrin.
Fatmirësisht nuk janë konstatuar dëme të mëdha materiale, pasi flakët janë izoluar në kohë. Pronari i objektit gjatë dëshmisë së dhënë përpara grupit hetimor ka thënë se i vetmi person që kishte konflikte ishte Ilir Pëllumbi. Më parë ata ishin konfliktuar për motive të dobëta. Pas marrjes së kallëzimit,policia arrestoi 38-vjeçarin.